Wednesday, November 30, 2011

පොල් කුරුමිනියා


කොහේදෝ යන කාලකන්නි පොල් කුරුමිනියෙක් අපේ පොල්ගස් වලට කෙලවලා දැන් ටික දවසකි. මෙච්චරකල් වත්තේ ගස් වලින් පොල් කෑ අපිට දැන් කඩෙන් ගිනි ගනන් වලට පොල් ගේන්න වෙලා ය. අපේ වත්තේ මහා පොල් ගස් තුනක් ම තිබුන නමුත් මේ කාලකන්නියා ගස් 3ටම වැඩේ දීලා ය. මුලින් එච්චර ගනන්ගත්තේ නැති නිසා ගස් තුනටම කෙලවෙනකන් වැඩේ දැනුනේවත් නැත.

අන්තිම ගහටත් මූ විදින්න ඉස්සෙල්ලා පොරගේ වැඩ මාට්‍ටු වුනේය. වහාම ක්‍රියාත්මක වී දන්නා අයෙක්ගෙන් මූට ප්‍රතිකර්මයක් ඉල්ලූ විට කුඩු වගයක් දුන්නේ ය. ඒත් කිව්ව විදිහට වැඩේ කරන එක practical නැති බව තේරුනේ ගෙදර ආ පසු ය. ඒ කුඩ සබන් වතුරේ මිශ්‍ර කර ගහේ උඩ සිට පහලට ඉසින්නට උපදෙස් දුන් නමුත් එහෙම කරන්නට එක්කෝ ගුවන් හමුදාවේ සහය ගත යුතුය, නැත්නම් තිස්තුන් කෝටියක් දෙවිවරුන්ගෙන් කෙනෙක්ට වැඩේ බාරදිය යුතුවිය. ගස් එච්චරටම උස ය. ඔය දෙකම හරිගියේ නැති තැන ගොඩ වෙදකමක් කරන්නට යැයි සිතා ගමේ පොල් කඩන සිරි අය්යියාට වැඩේ බාර දුන්නේය.

පොර ටිකක් විතර උස පිහියක් කටේ ගහගෙන පොල් ගසට නැග ශිල්ප දැක්වීය. පුදුමයකි, එකෙක් පිහියේ ඇනගෙන ජයග්‍රාහී ලීලාවෙන් ටික වෙලාවකින් පහලට බැස්සේ ය. මෙච්චර විනාසයක් කළ පොල් කුරුමිනියා හරියට දැක්කේ එතකොට ය. ඌ මහා පුදුම සතෙකි, පොල් ගස් තුනකටම වැඩේ දුන් නමුත් කාපුවා කොහෙන් ගියාදැයි දන්නේ නැත, සයිස් එක අඟල් දෙකක්වත් නැත. අන්තිමේ ඌ මරා වැඩේ close කළ  නමුත් ඒ වෙනකොටත් පොල් ගහට වෙන්න ඕන හරිය වී හමාර ය.

සිද්දිය එසේ වූ බැවින් දැන් අපි පොල් ගේන්නේ කඩෙනි. අපි වවමු රට නගමු ප්‍රතිපත්තිය ගානට කරගෙන ආ නමුත් පොල් කුරුමිනියා වැඩේ කෑවේ ය. සමහරු කියන විදිහට පොල් කුරුමිනියා විදේශීය බලවේගයක් වෙන්නට බැරි නැත. නැතම් ආණ්ඩුවෙ "අපි වවමු රට නගමු" ප්‍රතිපත්තිය කඩාකප්පල් කරන්න විපක්ශයෙන් කළ කුමන්ත්‍රණයක ප්‍රතිපලයක් විය හැකිය. ඒ කෙසේ වෙතත් අපට කෙලවී හමාර ය.

රටේ පොල් නැති වූ විට අපේ එවුන් ඒවා ආනයනය කිරීමට පුරුදු ව සිටිති, ඒත් මෙවැනි ගැටලු වලට පිළියම් යෙදුවේ නම් එසේ පිටරටට ගලායන විශාල මුදලක් ඉතිරිකරගත හැකිවනු ඇත. කළ යුත්තේ පොල් කුරුමිනියා විනාශ කිරීම ය. එසේ නොකර මේ ගැන තවත් කතාකර වැඩක් නැත. එබැවින් නවතිමි. රට පාලනය කරන උන්ට මෙවැනි ගැටලු පේන්නට දෘශ්ටි මානය (eye site එක) දියුණු වේවායි පතමි.



 

Google වලින් සොයාගත් පොල් කුරුමිනියෙක්..

Sunday, October 23, 2011

Facebook හි හයිද්‍රාබාද් සහ කැලිෆෝනියා කාර්යාල

මීට ඉස්සෙල්ලා ලිව්ව මූණු පොතේ ජාල ගොවිපල සහ කන්තෝරුව | Facebook Server Farm and Office ලිපියෙ ඉතිරි ටික තමයි මේ. මගේ සටහන් පොත Foto blog එකක් නම් නෙමෙයි. අපි දන්න, නමුත් වැඩිදෙනෙක් නොදන්න බලන්න වටින දේවල් වගයක් නිසා මේ විදිහට දානවා....

  • මේ හයිද්‍රාබාද් වල...
මෙහෙම තනියෙන් වැඩකරන අයත් ඉන්නවා ..
වැඩකරන තරතුර පොඩි පිXසු වැඩක්..
මෙයාලු ‍තෝරගෙන තියෙන්නෙ!! :D
කට්ටිය බැල්කනියෙ ඉඳලත් වැඩ
  • කැලිෆෝනියා කාර්යාලය
facebook බිත්තියෙ තවත් අනුරුවක්
මේ bord room එක වෙන්න ඕනෙ!

මීට ඉස්සෙල්ලා ලිපියෙ තිබුන facebook server farm එක තියෙන්නෙත් කැලිෆෝනියාවෙ මේ කාර්යාලයේ ම තමයි. ඒ ලිපිය මෙතනින් බලන්න පුලුවන්.

Sunday, October 2, 2011

ඩයලොග් ජන්ජාලේ - ජංගම දුරකථන පාවිච්චි කරන අය මේ ගැන සැලකිලිමත් වන්න

මේක මීට මාස තුන හතරකට විතර ඉස්සෙල්ලා මට වෙච්ච ඇබැද්දියක්. අපි නැග්ගොත් ඉතින් පුවක් ගහෙත් දෙබලක් ලු නෙ! ඒ වුනාට ඒ වුනාට ජංගම දුරකතන පාවිච්චි කරන හැමෝටම මේ දේ වෙන්න පුලුවන්. මෙන්න මේකයි කතාව,

කරන්න වැඩක් නැතුව චාටර් වෙවී හිටිය දවසක නිකමට වගේ හිතුනා මොබ්යිල් එකෙන් #132# ගහල මගේ ලියාපදිංචි විස්තර බලන්න. ඔන්න ඉතින් #132# ගහල එන මෙනූ එකෙන් 1ත් ගහල බැලුවා, එන විදිහට නමයි ID number එකයි හරි. ඊලඟට පුලුවන්නෙ මගේ ID number එකෙන් තියෙන අනිත් සම්බන්දතා ටික බලන්න, නිකන් දෙන service එක නිසා ඒකත් බැලුවා... එතකොට තමා වැඩේ පත්තු වුනේ. මම ගත්තු ඩයලොග් නම්බර් 2 ට පස්සෙ තවත් නම්බරයක් තියෙනවනෙ මගේ නමට!!  දැන් තමා ඉහෙන් කනින් දාඩිය දාන්න ගත්තෙ. කවුද දන්නෙ කවුරු මොනවට පාවිච්චි කරන නොම්බරයක් ද කියල!! වැරදිලාවත් පාවිච්චි කරන එකා ඒක ත්‍රස්තවාදී වැඩකට (කාටහරි ගේමක් දෙන්න එහෙම) පාවිච්චි කරපු එකක් නම් මටනෙ කෙලවෙන්නෙ! තියෙන්නෙ මගේ නමට නෙ!!

ටිකක් වෙලා ඉඳලා ගත්තා ඩයලොග් Cutomer care එකට කෝල් එකක්, ටිකක් විතර කාලෙ කාලා අනිත් පැත්තෙන් සෙට් වුන dialog නංගිට සම්පූර්ණ විස්තරේ කිව්වා.. කතාකරනකොට තේරෙනව එයාටත් වැඩේ අවුල් වගේ. මගෙන් දෙතුන් පාරක් ම ඇහුවා මම ගත්ත එකක් නෙවේමද... කියලා. මම ගත්තනම් ඉතින් අමතක වෙන්න විදිහක් නෑ නෙ! පස්සෙ බැරිම තැන එයා කියනව ලඟ තියෙන ඩිඅලොග් ආකේඩ් එකකට ගිහින් සීන් එක කියල බලන්න ලු.

පස්සෙ දවසෙ උදේ පාන්දර ම ගියා බො‍රැල්ලෙ ඩයලොග් එකට. ගිහින් සම්පූර්ණ සිද්දිය කිව්වා. ඒකෙ හිටිය අය මගේ ID එකත් ඉල්ලගෙන ඔක්කොම බලලා ආයෙත් අහනවා මම ගත්ත එකක් නෙවෙයි ම ද කියලා! උන් ඔක්කොටම නෑ... ම කිව්වට පස්සෙ ඒක disconnect කරන්න පුලුවන් කියලා කිවවා. තව ඒකෙ පාවිච්චි කරපු හැටි ගැන විස්තර දැනගන්න ඕනෙනං මරදානෙ තියෙන ඩයලොග් ආකේඩ් එකට යන්නත් කිව්වා. අපිට ඉතින් කරන්න වෙන වැඩ නෑ කියලා වෙන්න ඇති හිතනව ඇත්තෙ! කෝකටත් හොඳ නිසා මම කිව්වා ඒක ඩිස්කනෙක්ට් කරන්න කියලා. අනේ අපරාදෙ කියන්න බෑ එතන හිටිය අක්කා මගෙ ID එකත් අරගෙන සිම් එක ඩිස්කනෙක්ට් කරන්න තියෙන ෆෝම් එකේ ඔක්කෝම පුරවලා දුන්නා යට සයින් කරන්න. එහෙම දුන්නකියලා නිකන් අත්සන් කරන්න බෑ නෙ! මම ඒකෙ උඩ ඉඳලා පහලටම පුරවපු ටික කියවලා බැලුවා. ඔක්කොම හරියට තිබුනා ඒත් ඒකෙ තිබුනෙ මගේ නම නෙමෙයි. ඉතින් සයින් කරන්නෙ නැතුවම ෆෝම් එක ආයෙත් දුන්නා, එයා ඒක සිස්ටම් එකෙන් චෙක් කරලා කියනවා, මාර වැඩේ නෙ, සර්ගෙ ID number එකට තියෙන්නෙ මේ නමනෙ කියලා! මේක චෙක් කරද්දි මගේ ID එක තිබුනෙ එයා ලඟ, එතකොට තේරෙනවනෙ වෙලා තියෙන දේ!!

ඊට පස්සෙ ඉතින් head office එකට කතාකරලා සීන් එක ගැන හොයලා බැලුවා. බඩුම තමයි, මගේ ID number එකට තියෙන්නෙ වෙන නමක්! ඒ වුනාට #132# ගහලා බැලුවම මගේ නම ලස්සනට පෙන්නනවා මගේ නම්බර් දෙකයි අනිත් නොම්බරෙත් එක්ක. විනාඩි 10ක් විතර කට්ටිය කතාකරලා අන්තිමට මට කිව්වා head office එකට කිව්වා, ඒකෙන් කෙනෙක් කතාකරයි කියලා. එතකන් බය නැතුව ඉන්න කියලත් කිව්වා.

තවත් පැය දෙකකට විතර පස්සෙ ආව ඩයලොග් එකෙන් call එකක්. හලෝ මිස්ටර් **** ඉන්නවද කියල ඇහුවා (**** කිව්වෙ මගේ නම නෙමෙයි අර මගේ ID එකට දාල තිබුන නම). මම ඉතින් නෑ කියලා අවුල ලිහාගෙන විස්තරේ කිව්වා. පස්සේ මම ඩයලොග් එකෙන් ගත්ත connections ගැනයි තව මොනවද වගයක් ඇහුවා. අන්තිමට ඒ ගැන හොයලා බලන්නම් කියලා කෝල් කළ කෙනා තිබ්බා. තවත් පැයකට විතර පස්සෙ ඩයලොග් එකෙන් කතාකරලා කිව්වා වෙලා තිබුන ප්‍රශ්නෙ විසඳුවා, ඒ කනෙක්ශන් එක ඩිස්කනෙක්ට් කළා කියලා. මම ආයෙත් #132# ගහලා බැලුවා. එතකොට නම් වැඩේ හරි, නොදන්න number එක අයින් වෙලා තිබුනා.

මේ සිද්දිය වෙලා මාසයක් විතර ගියාට පස්සෙ ආයෙත් ඩයලොග් එකෙන් කතාකළා. ඒ ගැන ඇතුලෙන් පරීක්ශණයක් කරනව ලු. අහනවා ඒකෙන් වුන අපහසුතා මොනවද, ඩයලොග් ගැන තිබුන ආකල්ප වෙනස් වුනාද, තවදුරටත් ඩයලොග් පාවිච්චි කරනවද.. වගේ දේවල්. මම ඉතින් හොඳට ලුනු ඇඹුල් ඇතුව කිව්වා... පස්සෙ මොනවා වුනාද දන්නෙ නෑ. ඒ වුනාට මේ ගැන Dialog එක කටයුතු කළ විදිහ ගැනත් සෑහීමකට පත්වෙන්න පුලුවන්. තිබුන වැරද්ද එක දවසෙන් හැදුවනෙ මාව එච්චර රස්තියාදු නොකර.

මේ සිද්දියෙන් පස්සෙ පුරුද්දක් විදිහට මම පාවිච්චි කරන ඩයලොග් සහ මොබිටෙල් සිම් දෙකේ ම registration details මාස දෙකකට සැරයක් වත් චෙක් කරලා බලනවා. මට එච්චර අවුලක් වුනේ නැති වුනාට ඒ නොදන්න සිම් එකෙන් වැරදි දෙයක් කරලා තිබ්බනම් මම තමයි ගස් යන්නෙ!! ඒ නිසා මේක කියවන අය හැම කෙනෙක්ටම කියන්න තියෙන්නෙ, තමන්ගෙ mobile connection එක ගැන අවදානයෙන් ඉන්න අමතක කරන්න එපා. ඩයලොග්, මොබිටෙල් වගේ මොන සම්බන්ධතාවක් පාවිච්චි කළත් මේ වගේ දේවල් වෙන්න පුලුවන්. දෙයක් වුනාම ඒ ගැන දුක්වෙනවට වඩා වෙන්න තියෙන දෙයක් වළක්වාගන්න එක නෙ හොඳ.

*********************

මේ ගැන ඔබේ අදහස් කමෙන්ට් එකක් විදිහට දාන්න අමතක කරන්න එපා. එහෙනම් තවත් සටහනකින් හමුවෙමු.

Saturday, October 1, 2011

මූණු පොතේ ජාල ගොවිපල සහ කන්තෝරුව | Facebook Server Farm and Office

හැමදාම මූණු පොත පාවිච්චි කරන අය ගෙන් කීයෙන් කී දෙනා ද දන්නෙ අපේ දත්ත තියෙන්නෙ මේවගේ තැනක බව..? පහලින් තියෙන්නෙ පහුගිය දවසක e mail එකකින් ලැබුන Facebook server farm එකේ පින්තූර වගයක්.



මගේ Profile data තියෙන්නෙ මේ cell එකේ වෙන්න ඇති..




පැටලුනොත් කොහොමද දන්නේනෑ ලිහාගන්නෙ..

  •  අපි දන්න facebook wall එකේ ඇත්ත එක...
මේක හරියට බාලිකා පාසලක තාප්පයක් වගේ නේද.. :D

  •  ඇතුලෙ කට්ටිය වැඩකරන්නෙ මේ වගේ වටපිටාවක ලු!



ඕනෙ වෙලාවක සින්දුවක් කියලා පොඩි fun එකක් ගන්නත් පුලුවන්

මේවනම් හොරෙන් ඇතුලට ගෙනියපු ඒවා වෙන්න ඇති :D
  •  Facebook නිශ්පාදන


  • මේ තියෙන්නෙ Mark අයියගෙ room එක ලු

 facebook වල ඉන්දියාවෙ සහ චීනෙ ශාඛා වල පිංතූරත් මේවත් එක්ක තිබුනා, ඒවා මීලඟ ලිපියෙන් පෙන්වන්නම්. බැලුවා නම් comment එකක් දාල යන්න අමතක කරන්න එපා.

Sunday, May 29, 2011

පරන්තන් සිට සුන්දර මුලතිවු නගරයට ගියෙමි

මීට ටික දවසකට ඉස්සෙල්ලා මුලතිවු, පුදුකුඩුඉරිප්පු පැත්තෙ චාරිකාවක් යන්න කණා චාන්ස් එකක් සෙට් වුනා, ඒ ගමනේ අත්දැකීම් අනුවයි මේ ලිපිය ලියන්නෙ,

ගමන පටන්ගත්තෙ පහුගිය 12 වෙනිදා පාන්දර 5ට විතර, දීර්ග ගමනකට පස්සෙ දවල් 10 විතර වෙනකොට ඕමන්තේ යුද හමුදා මුරපොලට යන්න පුලුවන් උනා, එතනින් ලියාපදින්චි වෙලා මාන්කුලම්, කොකාවිල්, ඉරනමඩු පහුකරලා දවල් 11.30 විතර වෙනකොට කිලිනොච්චියට යන්න පුලුවන් උනා. 2009 දෙසැම්බර් වල යාපනේ යද්දි තිබුන කිලිනොච්චි නගරය මේ වෙනකොට සැහෙන්න දියුනු වෙලා, ලොකු වෙනසක් දකින්න තිබුනා.

කිලිනොච්චියෙ ඉඳලා කිලෝමීටර් 11ක් විතර ගමන්කළාම පරන්තන් නගරයට යන්න පුලුවන්, ඒ වෙනකල් A9 පාරෙ ගමන්කල අපි, පරන්තන් වලින් දකුණට හැරිලා A35 පාරෙ යන්න වුනා... A35 පරන්තන්-මුලතිවු ප්‍රදාන පාරක් උනාට තාම තාර දාලා නෑ. යුද්දයෙන් පස්සෙ මේ පාර දෙපැත්තෙ ප්‍රදේශ වල ජනතාව පදින්චි කරලා තවමත් මාස 4ක් විතර නිසා මේ ප්‍රදේශ තවමත් සම්පූර්ණයෙන්ම යථාතත්වයට පත්වෙලා නෑ.

තාර නැති A32 පරන්තන් මුලතිවු මාර්ගය..
ටිකෙන් ටික මිනිස්සු ඉන්න ප්‍රදේශ පහුකරලා තවමත් හරියට බිම්බෝම්බ ඉවත්කරලා නැති යුදහමුදාව පාලනය කරන ප්‍රදේශ හරහා ඉදිරියට ගියා, එක්තරා යුදහමුදා මුරපොලකදී (තැන කොහෙද කියලා මතක නෑ) අපෙ අවසර පත්‍ර පරික්ශා කරලා ඉදිරියට යන්න වුනා, මෙතැනින් එහාට හමුදාව යටතේ පවතින නගර වලට යන්න ජාතික ආරක්ශක අමාත්‍යාංශෙන් අවසර අරන් තියෙන්න ඕනෙ. යුද්දයේ අන්තිම දවස් වල LTTEයෙන් කට්ටපරිච්චාන් වැව් බැම්ම පිපිරෙව්වාම ඒ වැවේ වතුර ඇවිත් හිරවෙලා පවතින පොඩි ප්‍රදේශයක් තාමත් තියෙනවා, A35 පාර යන්නෙ ඒ උඩින්, නමුත් මේ ටිකෙ මීටර් 200ක් විතර වතුරෙන් යටවෙලා නිසා ඒ වෙනුවට ඊට උඩින් අලුත් පාරක් කපලා තියෙනවා. අපිටත් යන්න වුනේ ඒ අලුත් පාරෙන්.

මේ අතරමග යුද්දයෙන් ඉතිරිවෙච්ච සළකුණු සෑහෙන්න තියෙනවා, අතඇරලා දාපු වාහන, උණ්ඩ සලකුණු වලින් පිරුනු ගොඩනැගිලි වගේ තවත් බොහෝ දේවල්, ඒ මදිවට බිම් බෝම්බ..

තැන තැන විසිරුනු දිරාපත්වෙමින් පවතින වාහන
මේවැනි වාහන බොහෝමයක් මුලතිවු මාර්ගය දෙපස දිරාපත් වෙමින් පවතී.
මේ යායේ බයිසිකල් කොපමන ඇත්ද?
ඉදිරියට යන්න යන්න තිබුන ගොඩනැගිලි වලට වෙලා තිබුන හානිය වැඩියි, ගොඩාක් ගෙවල්, පල්ලි වගේ ගොඩනැගිලි වල ඉතුරු වෙලා තිබුන බිත්ති කිසිම විදිහකට නැවත පාවිච්චි කරන්න බැරිවෙන තරමටම විනාශ වෙලා, කෙටියෙන්ම කිව්වොත් මේ ප්‍රදේශයේ තියෙන සියලුම ගොඩනැගිලි නැවත මුල ඉඳල හදන්න වෙන තරමටම විනාශ වෙලා. ඔහොම ගිහින් පුදුකුඩුඉරිප්පු නගරයට ආවා...

ඉවරවුන යුද්දයෙන් වෙච්ච වැඩිම හානිය වෙලා තියෙන්නෙ පුදුකුඩුඉරිප්පු නගරයට වෙන්න ඕනෙ, තිබුන කිසිම ගොඩනැගිල්ලක් පාවිච්චි කරන්න බැරි තරමටම විනාශ වෙලා, අතරින් පතර යුද හමුදා කඳවුරු වල අපේ රණවිරුවො හැරුනාම  ගරාවැ‍ටුන පුදුකුඩුඉරිප්පු නගරෙ කිසිම කෙනෙක් නෑ,  එහෙම්පිටින්ම පුදුකුඩුඉරිප්පුව හොල්මන් නගරයක් වෙලා.

පුදුකුඩුඉරිප්පු සිට දුර
ගරාවැ‍ටුනු පුදුකුඩුඉරිප්පුවේ ගොඩනැගිලි
ගරාවැ‍ටුනු පුදුකුඩුඉරිප්පුවේ ගොඩනැගිලි
පුදුකුඩුඉරිප්පු ඉඳලා මුලතිවු වලට තියෙන කිලෝමීටර් 17ක විතර කොටසත් මේ වගේම තමයි, ත්‍රිවිද හමුදාවල බොහෝ සේනාංක මේ ප්‍රදේශයෙ ස්තානගතවෙලා තියෙනවා දකින්න පුලුවන්, සවස 3.00 විතර වෙනකොට මුලතිවු නගරයට සේන්දු වුනා,

සුන්දර මුලතිවු වෙරළ
මුලතිවු වෙරළේ ඉතිරි වූ යුද්දයක සිහිවටන
සංවර්ධනයේ පහස ලබා..
රාජකාරි වැඩ ඉවර උනාම මුලතිවු නගරෙ ටිකක් ඇවිදින්න හිතාගෙන හිටියත් වැඩ ඉවරවෙනකොට අඳුර වැටිල තිබුන නිසා නගරේ ඇවිදින්න පුලුවන්කමක් ලැබුනේ නෑ. මුල දවසේ රෑ නවතින්න තිබුනෙ මුලතිවු නගර ඉඳලා ටිකක් දුරින් තියෙන මුලතිව් වල ඉදිකිරීම් කටයුතු සිදුකරන සමගමක ඉන්ජිනේරුවන්ගේ නිළ නිවසක (මුලතිවු නගරෙ සංචාරක නවාතැන් නම් තාමත් නෑ)

නන්දිකඩාල් කලපුවේ පහල කොටස
මුලතිවු වල ගොඩක් ඉන්නෙ ධීවර වෘත්තිය ජීවිකාව කරගත්තු මිනිස්සු, ඒ වගේම මුලතිවු නගරෙටම තියෙන්නෙ එකම එක කාර් එකයි ලු! අනිත් ඔක්කොම වාහන නගරෙ සංවර්ධන වැඩ වලට පිටින් ගිය ඒවා ලු, ලංගම බස් සේවයක් නම් තියෙනව දකින්න තිබුනා, නමුත් බයිසිකල්, ත්‍රීවීල් සෑහෙන්න තිබුනා. ලඟදි පදිංචි කළ නගරයක් නිසා ලොකු ගොඩනැගිලි නම් නෑ, මුලතිව්වල හැම ගෙදරකටම අවුරුද්දක කාලයක් නොමිලේ විදුලිය දීලා තියෙනවා (මේ ගමන යනකොට මුලතිව් වල නැවත පදින්චි කරල මාස 3ක් විතර) මුලතිව් වල මදුරුවො නැද්ද කොහෙද, රෑ මදුරුවෙකුගෙ සද්දයක්වත් ඇහුනෙ නෑ.

***********************************************************************************************************

පහුවෙනිදා පාන්දර මුලතිවු වල පොඩි රවුමක් ගහන්න ලැබුනා, බයිසිකල් වලින් ඉස්කෝලෙ යන ළමයි නගරයට අමුතුම ලස්සනක් ඇතිකරනවා, ඒ වගෙම මුහුදු යන්න සූදනම් වෙන ධීවරයො පාන්දර ඇවිත් දැල් වේලනව දකින්න පුලුවන්, තවත් සමහර තැන් වල මාදැල් අදිනවා දකින්නත් තිබුනා, පාන්දර 9 විතර වෙනකොට සුන්දර මුලතිවු නගරයෙන් පිටත්වෙලා A34 පාරෙන් කොළඹ එන්න පිටත් වුනා....

Friday, May 27, 2011

නිවැරදි වෙබ් ලිපිනයක් ‍තෝරාගැනීම

මාස තුනකට විතර පස්සෙ පොස්ට් එකක් දාන්නෙ, මේ වෙනකන් වල්පල්, සමාජය වගේ දේවල් ගැන ලිව්ව මගේ සටහන් පොතේ මෙතැන ඉඳලා තාක්ශනය, අලුත් දේවල් ගැන ලිපි ලියන්න පටන්ගන්නවා. ඒ විදිහට ලියන පලවෙනි ලිපිය අද මේ විඩිහට දානවා, කියවන හැමෝම කමෙන්ට් එකක් දාන්න පුලුවන්නම් ගොඩාක් හොඳයි..... දැන් මාතෘකාවට බහිමු,

ව්‍යාපාරික වෙබ් අඩවියක, නැත්නම් පෞද්ගලික වෙබ් අඩවියක ජනප්‍රියතාවය බොහොවිට රඳාපවතින්නේ එහි වෙබ් ලිපිනය මත. එමගින් වෙබ් අඩවිය වෙත පමිනෙන්නන් ප්‍රමානය තීරනය කෙරෙනවා, කෙටියෙන්ම කිව්වොත් වෙබ් අඩවියෙන් බලාපොරොත්තු වන අරමුණු ඉ‍ටුකරගන්න එහි ලිපිනය ප්‍රදාන වශයෙන් බලපානවා. මේ නිසා නිවැරදිව, පහසුවෙන් හඳුනාගතහැකි, මතකහිටින නමක් තිබීම වෙබ් අඩවියකට හෝ එය අයත් සමාගමට ඉතා වැදගත්. හොඳ වෙබ් ලිපිනයක් ලිපිනයක් ‍තෝරාගැනීමේදී සැලකිය යුතු මූලික කරුණු කීපයක් ගැන සලකා බලමු.

  • අදාළ වෙබ් ලිපිනය මගින් වෙබ් අඩවියේ අරමුණ සහ අන්තර්ගතය ගැන අදහස් විය යුතුයි.
    - බ්ලොග් අඩවි වලට මෙය එතරම් වැදගත් නැති වුනත් ව්්‍යාපාරික අරමුණු උදෙසා සැකසුනු වෙබ් අඩවි වලට මෙය ඉතා වැදගත්. වේබ් අඩවියේ ලිපිනයෙන් මුලු අඩවියේම අන්තර්ගතය තේරුම් ගත හැකි විය යුතුයි. උදාහරණ විදිහට www.technohug.com, www.nalandascouts.org වැනි වෙබ් අඩවි හඳුන්වන්න පුලුවන්. නමුත් kaputa.com, malkoha.com වැනි වෙබ් අඩ්වි වල අන්තර්ගතය නම ඇසූ පමනින් තේරුම්ගැනීම අපහසුයි.
  • වෙබ් ලිපිනය ඕනෑවට වඩා දිගු නොවිය යුතුයි.
    - මුලින් එදෙන www. සහ .com .lk වැනි ඇරුනාම වෙබ් අඩවියේ ලිපිනය මද්‍යස්ත දිගකින් යුතු වීම වැදගත්. මගේ අදස අනුව නම් මේ සඳහා ඉංග්‍රීසි අකුරු 5 ත් 15 ත් අතර ප්‍රමාණයක් යොදාගන්නවානම් වඩාත් හොඳයි.
  • උච්චාරනය වන ආකාරයට පහසුවෙන් හඳුනාගතහැකි වීම.
    - ඇසූ පමනින් හඳුනාගතහැකි ලිපිනයක් තිබීම වඩා හොඳයි. නවාතැන.com වැනි වෙබ් අඩවියක නම ඇසූ විට එය navathaena.com ද navathana.com ද නැතිනම් navathena.com ද යන්න නිවැරදිව වටහාගන්න අපහසුයි. එමගින් අඩවියට පැමිනෙන්නන් ප්‍රමානයත් අඩු කෙරෙනව. නමුත් එලකිරි.com වැනි නමක් elakiri.com ලෙස පහසුවෙන් හඳුනාගන්න පුලුවන්.
  • ලිපිනයේ අතරමැදින් සළකුණු (symbols) කිසිවක් නොයෙදීම.
    - ආයතන සඳහා වන වෙබ් අඩවි වලට මෙය ඉතා වැදගත්. උදාහරණ විඩිහට i-sys.org යන ලිපිනයට සාපේක්ශව isys.org යන ලිපිනය වඩා හොඳයි.
  • අවසාන වශයෙන්, වෙබ් අඩවියේ අරමුණු වලට සරිලන ආකාරයේ පාඨක පිරිසක් ආකර්ශනය කරගත හැකි ආකාරයේ ලිපිනයක් මේ සඳහා යේදීම වැදගත්.
    - උදාහරනයක් විදිහට mp3 dounload කරන වෙබ් අඩවියකට mp3zone වගේ නමක් යෙදීම වඩාත් ගැලපෙනවා.

අදට මේ ඇති.. Web hosting ගැන මීලඟ ලිපියෙන් කියන්නම්.

Tuesday, December 14, 2010

දේශපාලනය සඳහා ප්‍රචාරන ක්‍රම

අද කාලේ හැටියට දේශපාලනේ කරන්න සමාජසේවය, උගත්කම, මනුස්සකම, හැදියාව වගේ දේවල් උවමනා නෑ! ඕනෙ ප්‍රසිද්දිය විතරයි. මිනිස්සු ඡන්දෙ දෙන්නෙ වැඩියෙන්ම ප්‍රසිද්ද කෙනාට මිසක් සමාජසේවය කල අයටම නෙමේ වගෙයි පේන්නේ! පහුගිය කාලෙ තිබුන ඡන්දයි ඒවයෙන් පත්වෙච්ච උදවියයි ගැන සලකලා බැලුවොත් ඕන ගොනෙකුට ඒක තේරුම්ගන්න පුලුවන්. ඒ නිසා කාලේ හැටියට ලේසියෙන්ම ප්‍රසිද්ද වෙන්න පුලුවන් ක්‍රමය කල්පනා කරල බැලුවා.... පොඩි පොඩි අයිඩියා ටිකකුත් ආවා. "මගේ සටහන් පොත" කියවන දේශපාලනේ කරන්න බලාපොරොත්තු වෙන අයගේ පහසුව පිණිස පළවෙනි එක කියන්නම්.

මේකයි වැඩේ, හරිම සිම්පල් ප්ලෑන් එකක්. මුලින්ම පොඩි දේ ලොකු කරලා කියන ටීවී චැනල් එකක් හොයාගන්න ඕනෙ. ඒක තමන් දේශපාලනේ කරන පක්ශයට විරුද්ද මත දරන, තමන්ගේ ප්‍රතිවාදී පක්ශෙට සපෝට් කරන චැනල් එකක් වෙන්නත් ඕනෙ. අන්තිමට, පොඩි දෙයක් වෙච්ච ගමන් උඩුබුරන Breaking news විකාශයක් ඒ චැනල් එකට තියෙන්නත් ඕනෙ. මේ ඔක්කොම හරිනන් ප්ලෑන් එකේ පළවෙනි පියවර ගොඩ.

මෙන්න දෙවෙනි පියවර, මුලින්ම තමන්ගෙ මොකක්හරි ‍රැස්වීමකට ඒ චැනල් එකේ මාද්‍යවේදියො ගෙන්නගන්න ඕනෙ. ඊට පස්සෙ ටිකක් විතර ඒ චැනල් එක, ඒකෙ ප්‍රවුර්ති විකාශය, වැඩසටහන් ගැන විවේචනය කරන්න ඕනෙ. නැත්තං ඒකෙ අවදානය නැතිවෙනවා. අන්තිමට මොකක්හරි පොඩි සිද්දියක් අල්ලගෙන ඒ චැනල් එකේ මාද්‍යවේදියෙක් ට (අනිවා.. කැමරාවක් අතේ තියෙන කෙනෙක් වෙන්න ඕනෙ) පොඩි සද්දයක් දැම්මනම් හරි. ඒත් මදි කියලා හිතෙනවනම් පොඩි පාරක් ගැහුවනම් ගොඩේ ගොඩ. ගහන පාරෙ සැර අනුව තමයි චැනල් එකෙන් මාකට් කරන කාලෙ අඩු වැඩි වෙන්නෙ. ඊටපස්සෙ කරන්න තියෙන්නෙ බලංඉන්න එක විතරයි. අර මාද්‍යවේදියට බලපෑම් කලා කියලා ටීවී චැනල් එකෙන් breaking news දාලා සිද්දිය වුන දවසෙ පැය 24ම කියවලා තවත් දවස් ගානක් යනකම්ම ගැහුව කෙනාගෙ නමයි පවුලෙ විස්තරයි තව දන්න නොදන්න ගොඩාක් විස්තරයි කියවයි.

නිකන් බොරුවට ටීවී චැනල් වල ඇඩ් දාන්න සල්ලි වියදම් කරනවට වඩා මේ වගේ සිම්පල් ප්ලෑන් එකක් අනුගමනය කලා නම් ඉවරනෙ! එක දවසින් රට පුරාම ප්‍රසිද්ධ වෙන්න පුලුවන්. ඊට පස්සෙ තමන් බලාපොරොත්තු වෙන ඕනෙම පාලන ආයතනෙකට ජනතාවගේ ඡන්දයෙන්ම යන්නත් පුලුවන්.  Try කරලා බලන්න. හරිගියොත් අපිටත් කියන්න. වැඩේ වැරදුනොත් එන අතුරු ආබාධ වලට නම් මම වගකියන්නෙ නෑ..!

පොල් කුරුමිනියා

කොහේදෝ යන කාලකන්නි පොල් කුරුමිනියෙක් අපේ පොල්ගස් වලට කෙලවලා දැන් ටික දවසකි. මෙච්චරකල් වත්තේ ගස් වලින් පොල් කෑ අපිට දැන් කඩෙන් ගිනි ගනන් වලට...