මහසෝණාගේ පහරකෑමට ලක්වුනෙමි...

දිනය 2010 පෙබරවාරි 13 වෙනිදා. මගේ පරන පින්තූර ටිකක් ඉස්කෝලෙන් අරන් ඇවිල්ලා බලන්න කියලා pen drive එක ලැප්ටොප් එකට ගැහුවා. එක පාරටම virus detected  කියලා වයිරස් ගාඩ් එකෙන් ඇලට් එකක් ඇවිත් පෙන් එක scan කරන්න ගත්තා. ටික වෙලාවකින් ප්‍රතිඵල ලැබුනා... ඒකෙ වයිරස් 3ක නම් තිබුනා. උඩින්ම තිබුනෙ mahasona.exe කියන එක. අනිත් ඒවානම් සාමාන්යෙන් අහලා පුරුදු ඒවා. කහොමහරි වයිරස් ගාඩ් එක අප්ඩේට් කරල තිබුන නිසා  ඒ තුනම මකලදාන්න පුලුවන් වුනා.

ඊට පස්සෙ ගෙනාව පින්තූර ටික බලන්න කියල පෙන් එක open කළා. එතකොට තමයි තේරුනේ මහසෝණගෙ තරම. මම ගෙනාව කිසිම ෆයිල් එකක් ඒකෙ නෑ. ඒ වෙනුවට නොදන්න භාෂාවකින් අමුතුම විදිහෙ ෆයිල් වගයක් හැදිලා.. ෆෝල්ඩර් ඇරලා බැලුවම ඒවාටත් ඒ ආනිශංසෙම තමයි. ඒ වෙනකොට පෙන් එකට වෙලා තියෙන දේ පහලින් බලාගන්න පුලුවන්.

මොනව කරන්නද ඉතින්... මෙහෙම තමයි දකින්න ලැබුනෙ!

පස්සෙ පෙන් එකේ properties ගිහින් බැලුවා මොකද වෙලා තියෙන්නෙ කියලා. ඒකෙ නම් කිසිම වෙනසක් නෑ. පිරිලා තිබුන ප්‍රමානයම (size එක) පෙන්නනවා. ඉතින් folder options වලට ගිහිල්ලා සිස්ටම් ෆයිල්ස් පේන විදිහට හදලත් බැලුවා අනිත් වයිරස්වල වගේ මගේ පින්තුර ටික හැංගිලාවත් තියෙනවද කියලා... එතකොට හැංගිල තිබුන අර අමුතු භාෂාවෙ ෆයිල්ස් තව ගොඩාක් දකින්න ලැබුනා. ඔන්න ඉතින් ටිකක් විතර දෙලොව රත් වෙන්න ගත්තා. කොච්චර රත් වුනාද කිව්වොත් මුලු සිස්ටම් එකම පරීක්ෂා කරල බලුවා. හැබැයි මහසෝණා ඉන්න පාටක් නම් පේන්න නෑ. පෙන් එකට එහෙම වුනාට හාඩ් ඩිස්ක් එකේ නම් කිසි අවුලක් වෙලා තිබුනෙ නෑ.

අන්තිමට කියන්න තියෙන්නෙ මෙ වයිරස් එක හැදුවෙ කවුරු වුනත් (අපි දන්න නමක් තියෙන්නෙ ලංකාවෙ කෙනෙක් ද දන්නෙ නෑ හැදුවෙ..) ඒ කෙනාගෙ දෙමව්පියො නම් ඒ ගැන සෑහෙන්න විඳවනවා ඇති. මොකද මම මේ වයිරස් එක ගැන ඇහුව හැම කෙනෙක්ම ඒක හදපු කෙනාගෙ අම්මා තාත්තා මතක් කරලා තමයි වයිරස් එක ගැන කියන්න පටන් ගත්තෙ. මේ ගැන දන්න කෙනෙක් ඉන්නවානම් නැතිවුන ෆයිල්ස් ටික ගන්න විදිහක් මේකෙ කමෙන්‍ටුවක් විදිහට දාන්න.. ඒක මට ලොකු උදව්වක් වේවි... බොහොම ස්තුතියි!